ஈழப் பெண்கள் குரல் பிரதிநிதிகள் தமிழகத்தில் ‘தொப்புள்கொடி பயணம்’: 48 அரசியல் கட்சிகள், மக்கள் பிரதிநிதிகளுடன் சந்திப்பு!

ஈழத்தில் இடம்பெற்ற இனப்படுகொலைக்கு சர்வதேச நீதி கோரியும், தமிழக முன்னாள் முதலமைச்சர் செல்வி ஜெ. ஜெயலலிதா 2013 ஆம் ஆண்டு தமிழ்நாடு சட்டப்பேரவையில் நிறைவேற்றிய வரலாற்றுச் சிறப்புமிக்க தீர்மானத்தை நடைமுறைப்படுத்த வலியுறுத்தியும், இலங்கையின் வடக்கு மற்றும் கிழக்கு மாகாணங்களின் 8 மாவட்டங்களைச் சேர்ந்த 10 தமிழ்ப் பெண்கள் தமிழ்நாட்டிற்கு மிக முக்கியமானதொரு பயணத்தை மேற்கொண்டுள்ளனர்.

 

"தொப்புள்கொடி பயணம்" எனப் பெயரிடப்பட்ட இப்பயணத்தின் போது, 20 நாட்கள் தமிழகத்தில் தங்கியிருந்த இக்குழுவினர், 48 இற்கும் மேற்பட்ட அரசியல் கட்சிகள், மக்கள் பிரதிநிதிகள் மற்றும் சமூக அமைப்புகளைச் சந்தித்து ஈழத் தமிழர்களின் நீதிக்கான குரலை வலுவாகப் பதிவு செய்துள்ளனர்.