முல்லைத்தீவு மாஞ்சோலை வைத்தியசாலையில் கொடூரம்: இரத்தம் வழிய வழிய நோயாளியை காக்கவைத்த அவலம் – உரிய நடவடிக்கை கோரி பிரதேச சபை உறுப்பினர் அவசர கடிதம்

கடந்த அக்டோபர் 08 ஆம் திகதி மதியம் 1:40 மணியளவில், முள்ளியவளையில் வசிக்கும் பிரதேச சபை உறுப்பினரின் தம்பியான ஞானதாஸ் யூடீசன் என்பவர் தச்சுப் பட்டறையில் வேலை செய்து கொண்டிருந்தபோது, இயந்திரத்தில் கை வெட்டுப்பட்டுப் பலத்த காயமடைந்துள்ளார். சதைகள் கிழிந்து, இரத்தம் அதிகமாக வெளியேறிய நிலையில் அவர் அவசரமாக மாஞ்சோலை வைத்தியசாலையின் அவசர சிகிச்சைப் பிரிவிற்கு (OPD) அழைத்துச் செல்லப்பட்டார்.

 

காயமடைந்த நோயாளி உயிருக்குப் போராடும் நிலையில் மதியம் 1:40 மணிக்கு அனுமதிக்கப்பட்டபோது, அங்கு கடமையிலிருந்த சந்திரமோகன் என்ற வைத்தியரிடம் முதலுதவி மற்றும் சிகிச்சை அளிக்குமாறு கோரப்பட்டுள்ளது.

 

ஆனால், அவரோ எந்தவித மனிதாபிமானமுமின்றி, "மதியம் 2:00 மணிக்கு பின்னர்தான் பார்க்க முடியும்" எனக் கூறி சிகிச்சையளிக்க அடியோடு மறுத்துள்ளார்.