இலங்கை அணிக்கு எதிரான டி20 தொடரில் பாகிஸ்தான் அணியின் கேப்டன் சாஹிப்ஸதா பர்ஹான் (Sahibzada Farhan) ரன் மழை பொழிந்து புதிய உலக சாதனையைப் படைத்துள்ளார்.
 
 

 

 

 

இரண்டு ஐசிசி (ICC) முழு உறுப்பினர் நாடுகளுக்கு இடையிலான 3 போட்டிகள் கொண்ட டி20 தொடர் ஒன்றில் அதிக ஓட்டங்கள் (238 ரன்கள்) குவித்த வீரர் என்ற வரலாற்றுச் சாதனையை அவர் நேற்று (அக்டோபர் 14) பதிவு செய்தார்.
 இதன் மூலம், இந்த ஆண்டின் தொடக்கத்தில் ஆப்கானிஸ்தானுக்கு எதிராக இந்திய வீரர் அபிஷேக் சர்மா குவித்த 229 ரன்களே முந்தைய சாதனையாக இருந்த நிலையில், அதனை பர்ஹான் தற்போது முறியடித்துள்ளார்.
இலங்கைக்கு எதிராக நடைபெற்ற இந்த 3 போட்டிகள் கொண்ட தொடரின் அனைத்துப் போட்டிகளிலும் சாஹிப்ஸதா பர்ஹான் தொடர்ச்சியாக 3 அதிரடி அரைசதங்களை விளாசி அசத்தினார்.
கேப்டனாக பொறுப்பேற்ற தனது முதல் இருதரப்பு டி20 தொடரிலேயே இந்த அரிய சாதனையை அவர் எட்டியுள்ளார் என்பது குறிப்பிடத்தக்கது.
3 போட்டிகள் கொண்ட டி20 தொடரில் அதிக ரன்கள் எடுத்த வீரர்களின் பட்டியலில் சாஹிப்ஸதா பர்ஹான் (பாகிஸ்தான்) – 238 ரன்கள் (எதிரணி: இலங்கை, 2026),  அபிஷேக் சர்மா (இந்தியா) – 229 ரன்கள் (எதிரணி: ஆப்கானிஸ்தான், 2026), கோலின் முன்ரோ (நியூசிலாந்து) – 223 ரன்கள் (எதிரணி: மேற்கிந்தியத் தீவுகள்)
நேற்று நடைபெற்ற இறுதிப் போட்டியில் பாகிஸ்தான் அணி தோல்வியடைந்த போதிலும், ஒட்டுமொத்தமாக இத்தொடரை 2-1 என்ற கணக்கில் பாகிஸ்தான் அணி கைப்பற்றி கோப்பையை வென்றது. பர்ஹானின் இந்த உலக சாதனை கிரிக்கெட் உலகினரின் பாராட்டுகளைப் பெற்று வருகிறது.