நாட்டில் நிலவும் சீரற்ற வானிலை காரணமாக, கேகாலை, கண்டி, குருநாகல் மற்றும் இரத்தினபுரி ஆகிய 4 மாவட்டங்களின் பல பிரதேச செயலகப் பிரிவுகளுக்கு விடுக்கப்பட்டிருந்த மண்சரிவு குறித்த முன்எச்சரிக்கை அறிவிப்பை மேலும் நீடிப்பதற்கு தேசிய கட்டிட ஆராய்ச்சி நிறுவனம் (NBRO) நடவடிக்கை எடுத்துள்ளது.

இந்த எச்சரிக்கை அறிவிப்பு இன்று (09) பிற்பகல் 04.00 மணி முதல் நாளை பிற்பகல் 04.00 மணி வரை அமுலில் இருக்கும் என அந்த நிறுவனம் தெரிவித்துள்ளது.

இப்பகுதிகளில் வசிக்கும் மக்கள் மண்சரிவுக்கான அறிகுறிகள் குறித்து தீவிர அவதானத்துடன் இருப்பதுடன், அவசர வெளியேற்றங்களுக்கும் தயாராக இருக்க வேண்டும்.

கேகாலை மாவட்டம்: மாவனெல்லை, ருவன்வெல்லை, புலத்கொஹுபிட்டிய.

இப்பகுதிகளில் உள்ள மக்கள் தொடர்ந்து பெய்யும் மழை மற்றும் நிலப்பரப்பின் மாற்றங்கள் குறித்து விழிப்புடன் இருக்க அறிவுறுத்தப்படுகிறார்கள்.

கண்டி மாவட்டம்:

யட்டிநுவர, ஹத்தரலியத்த.

கேகாலை மாவட்டம்: தெஹிஓவிட்ட, கேகாலை, ரம்புக்கனை, யட்டியாந்தோட்டை, அரநாயக்க, வரகாபொல.

குருணாகல் மாவட்டம்: அலவ்வ.

இரத்தினபுரி மாவட்டம்: குருவிட்ட, அயகம, எஹெலியகொட, வெலிகேபொல, இரத்தினபுரி, கலவானை, இம்புல்பே, நிவித்திகலை.

 
நிலத்தில் திடீர் வெடிப்புகள், மரங்கள்/மின்கம்பங்கள் சாய்வடைதல், சுவர்களில் புதிய விரிசல்கள் மற்றும் திடீர் நீரூற்றுகள் தோன்றுதல் போன்ற மண்சரிவு அபாய அறிகுறிகள் தென்பட்டால், உடனடியாக பாதுகாப்பான இடங்களுக்குச் செல்லுமாறு பேரிடர் மேலாண்மைப் பிரிவினர் கேட்டுக்கொண்டுள்ளனர்.